ప్రొద్దున్నే పడుకోనివ్వని ‘నీకు’…….
/#/ ఉదయాన్నే నిద్ర లేపి మరీ అడిగావు…
“అందరూ చెప్తుంటారు కదా,
ప్రేమలో ఉంటే ప్రపంచమంతా నువ్వే కనిపిస్తావని,
రాత్రి నీ కలలతో నిద్రపోయి, ఉదయం నీ ఊహలతో మేల్కొని,
రోజంతా నీ జ్ఞాపకాలతో గడిపేస్తూ ఉండాలని,
నీ కళ్ళలోని భావాలని చూడాలని,
నీ హృదయపు చప్పుడుని వినాలని,
నీ ఊపిరిలోని పరిమళాన్ని ఆస్వాదించాలని,
ఇంకా ఎన్నో ‘అని’ నీకు అనిపిస్తుందా అని”
మరి నాకేంటి అంతా మునుపటిలానే ఉంది..!
అదే మాట నీతో అంటే కోపంగా Call cut చేసేసావ్..
ఏమో నాకు మాత్రం ప్రేమంటే
” ‘నిన్నటి’కంటే ‘ఈరోజు’కి నీ మీద ఇష్టం పెరగటం
అది ‘రేపటి’కి ఇంకొంచెం పెరుగుతుందనే నమ్మకం ఉండటం”
అంతే.!
అర్ధం చేసుకుంటావు ‘అని’ అనుకుంటూ…/#/
ఇట్లు
ఇంకా నిద్ర సరిపోని ‘నేను’
sakhiya 